Վրաստանի դեպքում մենք կազմել ենք առաջնահերթությունների համապարփակ ցանկ, որոնց կատարման հիման վրա մենք կկարողանանք արդյունքների հասնել թեկնածուի կարգավիճակ շնորհելու հետ կապված՝ ժողովրդավարության հարցում,- ճեպազրույցում ասել է ԵՄ ընդլայնման հարցերով հանձնակատար Օլիվեր Վարհեյը:

Ինչպես նշել է եվրահանձնակատարը, իրենք ցանկանում են տեսնել բևեռացման վերջը, ինչը, ըստ նրա, բնորոշ է Վրաստանին։

«Մենք ցանկանում ենք տեսնել երկրին բնորոշ բեւեռացման ավարտը։ Մենք ցանկանում ենք բոլոր քաղաքական կուսակցությունների համագործակցությունը և ձեռք բերված պայմանավորվածության իրականացումը Եվրամիության դյուրացման միջոցով։ Սա ներառում է նաև արդարադատության բարեփոխումը, քանի որ այս համաձայնագիրը վերաբերում է նաև այս խնդրին: Մեզ առաջընթաց է պետք նաև կոռուպցիայի դեմ պայքարում։ Հակակոռուպցիոն գործակալության անկախությունը պետք է ապահովվի: Մեզ անհրաժեշտ է նաև ուժեղացնել կազմակերպված հանցավորության դեմ պայքարը, մեզ անհրաժեշտ է ակտիվ, առողջ հետաքննություն, դատավարություն և արժանահավատ արդյունքների վրա հիմնված պատմություն։ Եվ վերջում, մեզ անհրաժեշտ են հիմնարար իրավունքներ՝ երաշխավորելու ազատ, պրոֆեսիոնալ, բազմակարծիք և անկախ մեդիա-միջավայր լրագրողների համար», – ասաց նա։