«Սևծովյան ինտերնետ մալուխը կդադարեցնի Վրաստանի կախվածությունը Ռուսաստանից և ուղիղ, անմիժական կապ կհաստատվի Եվրոպայի հետ, այդպիսի ուղիղ կապ անհրաժեշտ է տնտեսության համար»,- Վրաստանի վարչապետ Իրակլի Ղարիբաշվիլիի հետ համատեղ մամուլի ասուլիսում հայտնել է Եվրոպական հարևանության քաղաքականության և ընդլայնման հարցերով եվրահանձնակատար Օլիվեր Վարհեյը։

Օլիվեր Վարհեյը խոշոր նախագծերի մասին խոսելիս նշեց, որ Եվրամիության առանցքային առաջատար նախագծերը նոր ներդրումներ կբերեն Վրաստան։

Նրա խոսքով՝ ԵՄ-ից շատ ավելին է գալիս Վրաստան։

«Ես թվարկել եմ այն ​​առանցքային նախագծերը, որոնք մենք համարում ենք մեզ համար առաջնային։ Ինձ համար ամենակարևորը սևծովյան էլեկտրական մալուխն է, որը Վրաստանից կանաչ էլեկտրաէներգիա կբերի Եվրոպա։ Հուսով եմ, որ դա անմիջապես կհանգեցնի ներդրումների վերականգնվող էներգիայի աղբյուրներում Վրաստանում, հիդրո, արևային և այլ ուղղություններով և Վրաստանը կդառնա էներգիայի զուտ արտահանող։ Երկրորդ նախագիծը սևծովյան ինտերնետ մալուխն է, որը կվերացնի Վրաստանի վերջին կախվածությունը Ռուսաստանից և ազատություն կհաստատվի նաև այս ոլորտում տնտեսությունը հաջորդ փուլում նման անմիջական կապի ու աճի կարիք ունի։ Կա նաև կապ՝ որպես տրանսպորտային երթուղի Սև ծովով։ Խոսքը նավահանգիստների զարգացման մասին է և ինչպես նշեցի, մենք վերականգնելու ենք ծովային փոխադրումների գոյություն ունեցող ուղիները, սա շատ կարևոր է։ Սա բոլորովին նոր հարթություն տալու հնարավորություն կունենա: Ես կանգ կառնեմ այստեղ, այս չորսը թվարկելուց հետո, կարծում եմ, բավականին մեծ են: Սակայն ԵՄ-ից շատ ավելին է գալիս Վրաստան: Ես շատ լավ դիտում և հետևում եմ ռազմավարությանը, իսկ հաջորդ փուլում ձեզ կներկայացնեմ նորերը»,- ասաց Օլիվեր Վարհեյը։