Ուկրաինայի առաջարկած ճանապարհային քարտեզի իրականացումը թույլ կտա մեզ վերադառնալ ազատ առևտրի պայմաններին այն երկրների հետ, որոնք սահմանափակումներ են մտցրել ուկրաինական գյուղմթերքի արտահանման վրա։ Այս մասին հայտարարել է Ուկրաինայի փոխվարչապետ Օլգա Ստեֆանիշինան։

«Եվրահանձնաժողովը կատարել է իր խոստումը չտարածել Ուկրաինայից հացահատիկի ներկրման արգելքը հարեւան հինգ երկրներում։ Այս որոշումը պայմանավորված է նրանով, որ վիճակագրական տվյալները չեն հաստատում ներքին շուկայի համար ռիսկերի առկայությունը։ Սակայն իրավիճակը շարունակում է լարված մնալ, ինչի պատճառով Ուկրաինան առաջարկել է ճանապարհային քարտեզ՝ վերահսկելու և ստուգելու արտահանումը դեպի այս հինգ երկրներ»,- ասել է Ստեֆանիշինան։

Նրա խոսքով, նշված քարտեզի շրջանակներում, որին աջակցել է նաև Եվրահանձնաժողովը, Ուկրաինան աշխատելու է Ռումինիայի և Բուլղարիայի հետ, իսկ Սլովակիայի հետ երկխոսությունը հավանաբար շուտով կսկսվի։ Ինչպես նշվեց, այն բանից հետո, երբ Լեհաստանը և Հունգարիան չեղարկեն միակողմանի սահմանափակումները, այդ մեխանիզմը կիրականացվի նաև նրանց հետ։