Օլաֆ Շոլցն ասում է, որ անհանգստացած է Ֆրանսիայում կայանալիք խորհրդարանական ընտրություններով
Գերմանիայի կանցլեր Օլաֆ Շոլցը հայտարարել է, որ անհանգստացած է Ֆրանսիայում կայանալիք խորհրդարանական ընտրություններով։
«Ես իսկապես անհանգստացած եմ Ֆրանսիայի ընտրություններով։ Ուզում եմ ընդգծել և հուսով եմ, որ այն կուսակցությունները, որոնք չեն ներկայացնում Լը Պենը, հաջողություն կունենան այս ընտրություններում»,- ասել է Շոլցը լրատվամիջոցների հետ զրույցում։
Գերմանիայի կանցլերը հավելել է, որ ընտրությունների ճակատագիրը, ի վերջո, կախված է ֆրանսիացիներից։
Հիշեցնենք, որ Եվրախորհրդարանի ընտրությունների արդյունքների հրապարակումից հետո Ֆրանսիայի նախագահ Էմանուել Մակրոնը հայտարարեց նոր խորհրդարանական ընտրություններ անցկացնելու որոշման մասին։
Հունիսի 30-ին և հուլիսի 7-ին Ֆրանսիայում տեղի կունենան արտահերթ խորհրդարանական ընտրություններ։ Ըստ նախնական հարցումների արդյունքների՝ ընտրություններում ձայների մեծամասնությունը կհավաքի Մարին Լը Պենի ծայրահեղ աջ «Ազգային միությունը»։