Օլաֆ Շոլցը նշում է, որ Գերմանիան աջակցում է Եվրամիության ընդլայնմանը և Վրաստանի, Ուկրաինայի և Մոլդովայի անդամակցությանը տնտեսական բլոկին։ Reuters-ի փոխանցմամբ՝ այս մասին Գերմանիայի կանցլերը հայտարարել է Պրահայում, Կառլի համալսարանում ելույթի ժամանակ։

Իր ելույթում Օլաֆ Շոլցը նշել է, որ մեծամասնական քվեարկության անցումը տնտեսական բլոկի ընդլայնման հիմնաքարերից մեկն է։ Նա հաստատել է Գերմանիայի աջակցությունը Եվրամիության ընդլայնմանը և ընդգծել, որ Վրաստանը, Ուկրաինան, Մոլդովան և Բալկանյան երկրները, ի վերջո, պետք է միանան Եվրամիությանը։

«Սակայն այս ընդլայնված միությունում անդամ երկրների միջև տարաձայնությունները կավելանան քաղաքական շահերի, տնտեսական ազդեցության և սոցիալական ապահովության համակարգերի ապահովման առումով։ Այսօր, որտեղ միաձայնություն է պահանջվում, առանձին երկրի վետոյի իրավունքն օգտագործելու և այլ անդամ երկրների առաջընթացը խոչընդոտելու ռիսկը մեծանում է յուրաքանչյուր լրացուցիչ անդամ պետության ընդունմամբ: Ուստի ես առաջարկեցի աստիճանական անցում կատարել մեծամասնական քվեարկության ընդհանուր արտաքին քաղաքականության, ինչպես նաև այլ ոլորտներում, ինչպիսին է հարկային քաղաքականությունը»,- ասել է Օլաֆ Շոլցը։