Օլաֆ Շոլց. 27 անգամ ասելու համար, որ մենք ցանկանում ենք ամեն ինչ անել՝ աջակցելու Ուկրաինայի՝ իր հողը պաշտպանելու կարողությանը
Պետք է 27 անգամ ասել, որ մենք ցանկանում ենք ամեն ինչ անել՝ աջակցելու Ուկրաինայի՝ իր հողը պաշտպանելու կարողությանը, ասել է Գերմանիայի կանցլեր Օլաֆ Շոլցը։
Շոլցի խոսքով՝ իրենք ցանկանում են առաջիկա տարիներին ակտիվացնել Ուկրաինայի բյուջետային աջակցությունը և դա պետք է հնարավոր լինի։
«Այսօր մենք պետք է շատ կարևոր որոշում կայացնենք: Մենք ցանկանում ենք ավարտին հասցնել այն, ինչ սկսել ենք դեկտեմբերին, որը ներառում է բազմամյա ֆինանսական շրջանակի վերանայման վերաբերյալ համատեղ որոշում: Սա նշանակում է, որ մենք ցանկանում ենք առաջիկա տարիներին սկսել բյուջետային աջակցություն Ուկրաինային։ Ես կարծում եմ, որ դա հնարավոր կլինի, եթե Եվրոպան իրեն համարի հասարակություն, որտեղ բոլորը կանգնած են միմյանց կողքին և օգնում են որոշումներ կայացնել: Ես անձամբ շատ կաշխատեմ մյուսների հետ միասին 27 անդամ երկրների միջև որոշում կայացնելու համար։ Պետք է 27 անգամ ասել, որ մենք ցանկանում ենք ամեն ինչ անել՝ աջակցելու Ուկրաինայի՝ իր հողը պաշտպանելու կարողությանը»,- ասել է Օլաֆ Շոլցը։
Բրյուսելում նախատեսված գագաթնաժողովում ԵՄ անդամ երկրների ղեկավարները կքննարկեն Ուկրաինային ֆինանսական աջակցության հարցը։ Խոսքը ԵՄ բյուջեից 50 մլրդ եվրո հատկացնելու մասին է, որին դեմ է Հունգարիան։