Ռուսաստանի օկուպացիոն ուժերի կողմից, Զեմո Նիքոզի գյուղի մոտ ապօրինաբար ձերբակալված Վրաստանի քաղաքացի, Մամուկա Չխիկվաձեի քույրը Իրմա Չխիկվաձեն հայտարարում է, որ տեղեկություն չունի իր եղբոր մասին։

«Ես տեղեկություն չունեմ։ Ես ուզում եմ, որ նա ազատ արձակվի ու անվնաս վերադառնա տուն։ Ես և մեր մերձավորները ցույցեր չենք նախատեսում, միակ բանը, որ ուզում ենք, որ նա ողջ լինի։ Մենք ոչինչ չգիտենք, ես այլևս խելքի վրա չեմ։ Ես փորձում եմ ամեն ինչ անել որոշակի տեղեկատվություն ստանալու համար, բայց այս տեղեկատվությունը չի երևում: Ես չգիտեմ, թե ինչպես է այնտեղ»,- ասել է Իրմա Չխիկվաձեն։

Ըստ Պետանվտանգության ծառայության՝ Ռուսաստանի օկուպացիոն ուժերը դեկտեմբերի 12-ին Գորիի մունիցիպալիտետի Զեմո Նիքոզի գյուղի մոտ անօրինական կերպով ձերբակալել են Մամուկա Չխիկվաձեին։ Գերատեսչության տվյալներով՝ անօրինական կալանավորման մասին տեղեկություն ստանալուն պես ՊԱԾ-ն ակտիվացրել է «թեժ գիծ», որը գործում է Եվրամիության դիտորդական առաքելության միջոցով։ Բացի այդ, տեղեկատվություն է տրամադրվել միջազգային գործընկերներին և Ժնևի միջազգային բանակցությունների համանախագահներին։

Միևնույն ժամանակ, ինչպես ասվում է ՊԱԾ-ում, Եվրամիության դիտորդական առաքելությունը հաստատել է, որ Գորիի մունիցիպալիտետում թեժ գիծ է գործարկվել Նիքոզի գյուղի մոտ Վրաստանի քաղաքացու կալանավորման պատճառով։