Օգտակար հանածոների վերաբերյալ համաձայնագրի համաձայն՝ Ուկրաինայի կառավարությունը երաշխավորում է, որ օրենսդրության և համաձայնագրի միջև հակասության դեպքում այս փաստաթուղթը կունենա գերակա ուժ
Ուկրաինայի և ԱՄՆ-ի միջև օգտակար հանածոների վերաբերյալ ստորագրված համաձայնագիրը, հնարավոր է, գերակայություն ստանա Ուկրաինայի ազգային օրենսդրության նկատմամբ։
Փաստաթղթի համաձայն՝ համաձայնագրով նախատեսված պարտավորությունների չկատարման արդարացման համար Ուկրաինան չի կարող ներքին օրենսդրությունը որպես հիմնավորում ներկայացնել։
«Ուկրաինայի կառավարությունը երաշխավորում է, որ Ուկրաինայի օրենսդրության և այս համաձայնագրի միջև որևէ անհամապատասխանության դեպքում համաձայնագիրը կունենա գերակա ուժ։ Բացի այդ, Ուկրաինայի կառավարությունը համաձայնում է, որ չի կարող հղում անել իր ներքին օրենսդրության դրույթներին՝ որպես այս համաձայնագրով ստանձնած պարտավորությունների չկատարման արդարացում», – ասված է փաստաթղթում։
Հիշեցնենք, որ Ուկրաինան և ԱՄՆ-ը օգտակար հանածոների վերաբերյալ համաձայնագիրը ստորագրել են ապրիլի 30-ին։ Համաձայնագրի տեքստը հրապարակվել է Ուկրաինայի կառավարության պաշտոնական կայքում։