«Օգոստոսին Վրաստան փոխանցված միջոցների ծավալը նախորդ տարվա նույն ժամանակահատվածի համեմատ աճել է 0,3%-ով և կազմել 290,6 մլն ԱՄՆ դոլար, իսկ Վրաստանից փոխանցված միջոցների ծավալն աճել է 12,1%-ով և կազմել 33,1 մլն ԱՄՆ դոլար»,- նշված է Ազգային բանկի հրապարակած հաշվետվության մեջ։

Ըստ Ազգային բանկի տեղեկատվության՝ դրամական փոխանցումների աննշան աճը կապված է բազային էֆեկտի սպառման հետ։

«Օգոստոսին Ռուսաստանից տրանսֆերտները կրճատվել են տարեկան 30%-ով՝ հասնելով 43 մլն ԱՄՆ դոլարի, սակայն ԱՄՆ-ից և Իսրայելից տրանսֆերտները շարունակել են աճել բարձր տեմպերով՝ համապատասխանաբար 24,9% և 18,2%։ Բացի այդ, տրանսֆերտները այլ երկրներից, ինչպիսիք են Ղրղզստանը և Միացյալ Թագավորությունը, դեռ աճում են (62,4% և 20,5% աճ՝ համապատասխանաբար): ԵՄ երկրներից, Իտալիայից և Գերմանիայից դրամական փոխանցումների աճը դեռևս զգալի ներդրում ունի։ Օգոստոսին տարածաշրջանի երկրներից՝ Թուրքիայից և Ադրբեջանից փոխանցվող միջոցները նվազել են (5,2% և 11,8% անկում)։ Ուկրաինայից փոխանցվող տրանսֆերտները դեռևս մնում են նվազագույն մակարդակի վրա։ Օգոստոսին տրանսֆերտների հիմնական աղբյուրը եղել են ԵՄ երկրները (44,5%), ԱՄՆ-ը (17,5%) և Ռուսաստանը (14,6%)։ Եվրամիության երկրներից ուշագրավ է Իտալիայի, Հունաստանի և Գերմանիայի բարձր մասնաբաժինը տրանսֆերտների ընդհանուր ծավալում»,- ասված է Ազգային բանկի տեղեկատվության մեջ։