Օգոստոսի 21-ը Կիևում հայտարարվել է սգո օր
Կիևը օգոստոսի 21-ը հայտարարել է սգո օր։ Այս մասին հայտարարել է Կիևի քաղաքապետ Վիտալի Կլիչկոն։
«Մայրաքաղաքի վրա թշնամու լայնածավալ հարձակման հետևանքով զոհվածների հիշատակին, օգոստոսի 21-ը Կիևում հայտարարվել է սգո օր», – ասել է Կլիչկոն։
Սգո օրը Կիևի բոլոր քաղաքային շենքերի վրա պետական դրոշները կխոնարհվեն։ Պետական գերատեսչություններին, ինչպես նաև մասնավոր հաստատություններին և կազմակերպություններին խորհուրդ է տրվել կիսով չափ իջեցնել իրենց դրոշները։
Կիևում բոլոր ժամանցային միջոցառումները նույնպես կարգելվեն օգոստոսի 21-ին։
Ռուսաստանի լայնածավալ հարձակումից հետո Ուկրաինայի արտաքին գործերի նախարար Անդրեյ Շիբիգան կոչ է արել միջազգային գործընկերներին Ուկրաինային տրամադրել հակաբալիստիկ հրթիռներ և խստացնել Ռուսաստանի դեմ պատժամիջոցները։ Շիբիգայի խոսքով՝ օգոստոսի 20-ի գիշերը Ռուսաստանի կողմից իրականացված հարձակումը ամենադաժաններից մեկն էր։
«Նման սարսափելի ռազմական հանցագործություններով Պուտինը փորձում է ցույց տալ, որ ինքը լիակատար անպատժելիություն ունի։ Յուրաքանչյուր ռուսական բալիստիկ հրթիռ բարբարոսության դրսևորում է, իսկ Ուկրաինային մատակարարված յուրաքանչյուր հրթիռ՝ մարդկայնության դրսևորում, որը կփրկի մարդկանց կյանքը», – ասել է Ուկրաինայի արտգործնախարարը։
Սզիբիգայի խոսքով՝ Ուկրաինան գիտի, թե որ գործընկերները կարող են մատակարարել նման հրթիռներ և կոչ է արել նրանց անհապաղ գործել։