Վրաստանի Տարածաշրջանային զարգացման և ենթակառուցվածքների նախարարության, ավտոմոբիլային ճանապարհների դեպարտամենտից հայտնում են, որ օդերևութաբանական բարդ պայմանների պատճառով մաքրման աշխատանքներն իրականացվում են ինտենսիվ ռեժիմով՝ ճանապարհներին երթևեկության խափանումներից խուսափելու համար։

Բոլոր ուղղություններով մոբիլիզացված է ձյուն մաքրող տեխնիկա, ավտոճանապարհներին անընդհատ տեխնիկական աղ է թափվում, որպեսզի հնարավորինս սեղմ ժամկետներում վերականգնվի երթևեկությունը։

Այս պահին ինտենսիվ մաքրման աշխատանքների արդյունքում Թբիլիսի-Սենակի-Լեսելիձե և Ախալքալաք-Կարծախի միջազգային նշանակության ճանապարհներին վերականգնվել է կցովի և կիսակցովի ավտոտրանսպորտի երթևեկությունը։

Նաև Քութայիսի-Տղիբուլի-Ամբրոլաուրի ճանապարհի՝ կմ39-կմ62 (Նաքերալայի լեռնանցք) հատվածում վերականգնվել է մարդատար ավտոտրանսպորտի երթևեկությունը, սակայն արգելված է կցովի և կիսակցովի ավտոտրանսպորտի երթևեկությունը։

Միջազգային նշանակության Թբիլիսիի շրջանցող ճանապարհին երթևեկությունն ազատ է։ Միևնույն ժամանակ, ըստ Շրջակա միջավայրի ազգային գործակալության, միջազգային նշանակության Մցխեթա-Ստեփանծմինդա-Լարս ավտոճանապարհի Մլեթա-Ստեփանծմինդա-Լարս հատվածում ձնահյուսի վտանգի մակարդակը ցածր է, և արդեն կատարվում են մաքրման աշխատանքներ։ Գուդաուրի-Կոբի և Ստեփանծմինդա-Լարս հատվածներում ձնահոսքի վտանգը դեռ պահպանվում է, ինչի պատճառով այս հատվածներում բոլոր տեսակի տրանսպորտային միջոցների երթևեկությունն արգելված է։

Շարժման հատուկ ռեժիմներ են գործում նաև հետևյալ ճանապարհներին՝ առատ ձյան և ցածր ջերմաստիճանի պատճառով հանրապետական ​​նշանակության ավտոճանապարհի Գոմի-Սաչխերե-Ճիաթուրա-Զեստափոնի կմ1-կմ106 (Գոմի-Զեստափոնի) հատվածում արգելված է կցովի և կիսակցովի ավտոտրանսպորտի տեղաշարժը, իսկ այլ տեսակի տրանսպորտային միջոցների համար տեղաշարժն ազատ է:

Առատ ձյան և սելավների պատճառով հանրապետական ​​նշանակության Ալպանա-Ցագերի ավտոճանապարհի Ալպանա-Ցագերի հատվածում թույլատրվում է միայն արտաճանապարհային տրանսպորտային միջոցներ (երկու և ավելի կամուրջ ունեցող), իսկ այլ տեսակի տրանսպորտային միջոցների երթևեկությունն արգելված է։

Ձյան և ցածր ջերմաստիճանի պատճառով Վազիանի-Գոմբորի-Թելավի ավտոմայրուղու կմ36-կմ50 (Վերոնա-Շուամթա վանքի շրջադարձ) հատվածում թույլատրվում է միայն արտաճանապարհային տրանսպորտային միջոցների (երկու և ավելի առաջատար կամուրջներով) երթևեկությունը, իսկ այլ տեսակի տրանսպորտային միջոցների երթևեկությունը արգելված է։ Ճանապարհի մնացած հատվածում երթևեկությունն ազատ է։

Բքի վտանգի պատճառով կենցաղային նշանակության Կոդա-Պարծխիսի-Մանգլիսի-Ծալկա-Նինոծմինդա կմ94-կմ110 (Փարավանի լեռնանցք) ավտոճանապարհին ամեն օր ժամը 20:00-08:00-ն, արգելված է կցովի և կիսակցովի ավտոտրանսպորտի տեղաշարժը: Մնացած ժամանակահատվածում տրանսպորտային միջոցների տեղաշարժն ազատ է։ Երկու և ավելի կամուրջ ունեցող ավտոտրանսպորտի երթևեկությունն ազատ է։

Մերկասառույցի պատճառով կենցաղային նշանակության կմ70-կմ186 (Խաիշի-Ուշգուլի) ավտոճանապարհի Զուգդիդի-Ջվարի-Մեստիա-Լասդիլի հատվածում արգելվում է կցովի, կիսակցովի և ավելի քան 30 նստատեղ ունեցող ավտոբուսների տեղաշարժը։ կմ138-կմ186 (Մեստիա-Ուշգուլի) հատվածում թեթև ավտոտրանսպորտի երթևեկությունը թույլատրվում է միայն հակասայթակող շղթաներով։ Արտաճանապարհային տրանսպորտային միջոցների (երկու և ավելի կամուրջ ունեցող) տեղաշարժն ազատ է։ Ավտոճանապարհի կմ1-կմ70 (Զուգդիդի-Խաիշի) հատվածում երթևեկությունն ազատ է։

Ճանապարհների վարչությունը հորդորում է բնակիչներին ձմռանը երթևեկել համապատասխան անվադողերով, պատշաճ տրանսպորտով և ենթարկվել ավտոճանապարհներին սահմանված ռեժիմներին։