Համեմատելով համաճարակին նախորդած ժամանակահատվածի հետ՝ Քութաիսիի միջազգային օդանավակայանը ռեկորդային թվով ուղևորներ է գրանցել։ Վրաստանի օդանավակայանների միության տվյալներով՝ մայիսին Դավիթ Աղմաշենեբելիի անվան օդանավակայանից օգտվել է 126 864 ուղևոր։ (2019թ. մայիս, 64 745 ուղևոր):

Օդանավակայանների միության տվյալներով՝ բացի ուղեւորահոսքից, իր պատմական առավելագույնին է հասել նաեւ Քութաիսիի միջազգային օդանավակայանից թռիչքների թիվը։

«Մինչ համաճարակը` 2019 թվականի մայիսին, իրականացվել է 210 չվերթ։ 2023 թվականի նույն ժամանակահատվածում թռիչքների թիվն աճել է 80%-ով։ Քութաիսիի Դավիթ Աղմաշենեբելի օդանավակայանը սպասարկել է 378 չվերթ։

Նախահամաճարակային շրջանի համեմատ Քութաիսիի միջազգային օդանավակայանում ուղևորների թվի կայուն աճ կա հինգ ամսում։ Այս տարի հունվարից մայիս ընկած ժամանակահատվածում Քութաիսիի միջազգային օդանավակայանը սպասարկել է 502 323 ուղեւորի։ Ինչը 74%-ով գերազանցում է 2019 թվականի ժամանակահատվածը։

2023 թվականի հունիսի 1-ից «WIZZ AIR»-ը վերադարձրեց Քութաիսիի միջազգային օդանավակայանում տեղակայված իր երրորդ օդանավը և կանոնավոր չվերթեր է իրականացնում դեպի Մադրիդ, Բրյուսել, Ֆրանկֆուրտ, Համբուրգ և Պոզնան։ Հունիսի 4-ից ղազախական «FlyArystan» ցածր բյուջետային ավիաընկերությունը ավելացրել է Ալմաթի-Քութաիսի-Ալմաթի երթուղին։

2023 թվականի դեկտեմբերի 1-ին Քութայիսիի միջազգային օդանավակայանը կստանա չորրորդ «Wizz Air» ինքնաթիռը և Կոպենհագեն երթուղին։

Վրաստանի օդանավակայանների միության տվյալներով՝ այս փուլում Քութաիսիի միջազգային օդանավակայանից գործում է հինգ ավիաընկերություն։ Թռիչքներն իրականացվում են 17 երկրների 34 ուղղություններով»,- նշված է Օդանավակայանների միության տարածած տեղեկատվության մեջ։