Ընթացիկ տարվա նոյեմբերին Վրաստանի ողջ տարածքում իրականացված օպերատիվ-որոնողական միջոցառումների և քննչական գործողությունների արդյունքում Վրաստանի ֆինանսների նախարարության քննչական ծառայության աշխատակիցները բացահայտել են մեծ քանակությամբ առանց ակցիզային ապրանքների պահպանման, փոխադրման և իրացման 25 դեպք: Մեղադրանք է առաջադրվել 24 անձի և ձերբակալվել է 12 անձ:

«Քննչական գործողությունների արդյունքում հանցագործության մեջ բացահայտված անձանցից առգրավվել է տարբեր անվանումների 25 հազար 748 հատ անմաքս սիգարետ՝ ավելի քան 150 հազար լարի ընդհանուր շուկայական արժեքով։

Հետաքննությունն անցկացվում է Վրաստանի Քրեական օրենսգրքի 200-րդ հոդվածով, որը որպես պատիժ նախատեսում է ազատազրկում 6-ից 8 տարի ժամկետով»,- նշված է ֆինանսների նախարարության քննչական ծառայության հաղորդագրության մեջ։