Նորիոյի կրթական բազայի տարածքում տեղի է ունեցել «կրտսեր սպաների և առաջնորդության դասընթացի» կուլմինացիոն վարժանքը:

Պաշտպանության նախարարությունից հայտնում են, որ զորավարժությունների ամփոփ հատվածում վաշտի կողմից ծրագրվել է հարձակում, որին մասնակցել է հակառակորդ խումբը։

«Դաշտային պարապմունքներն անցկացվել են դատարկ փամփուշտների և իմիտացիոն սարքավորումների միջոցով։ Դասընթացը վարում էր Բրիտանական ռազմական խորհրդատվական խումբը (BMATT), որին մասնակցում էին Վրաստանի զինված ուժերի տարբեր ստորաբաժանումների սպաներ և սերժանտներ։

Զորավարժությունները, որոնք անցկացվել են Միացյալ ռազմական կենտրոնում գտնվող ուսումնական և ռազմական կրթության հրամանատարության կողմից, տևել են չորս շաբաթ և ընդգրկել չորս փուլ:

Առաջին փուլում զինվորականներն անցել են տեսական պատրաստություն, իսկ հաջորդ երեք փուլերը նվիրված են եղել դաշտային գործողություններին։ Վարժանքի նպատակն էր կրտսեր սպաների և սերժանտների վերապատրաստումը և նրանց առաջնորդական հմտությունների կատարելագործումը»,- ասված է Պաշտպանության նախարարության հաղորդագրության մեջ։