Ինչ փորձ էլ արվի մայիսի 26-ը տապալելու և այդ հրաշալի օրը ժողովրդի կողմից չտոնելու ուղղությամբ, այդ օրը չեն կարող տապալել, – այս մասին հայտարարել է Վրաստանի խորհրդարանի փոխխոսնակ Նինո Ծիլոսանին։

Նրա խոսքով՝ մայիսի 26-ին բոլորը կտեսնեն, որ Վրաստանը անկախ է, և սա կլինի հիմնական ուղերձը, որը կուղարկվի ողջ աշխարհին։

«Վրաստանը անկախ է ցանկացած օտար ազդեցությունից, ինչը մենք արդեն հաստատել ենք։ Վրաստանը անկախ է ներքին, վնասակար ազդեցություններից, որոնք տարիներ շարունակ գոյություն ունեին։ Ուստի, ինչ փորձ էլ արվի այդ օրվա տապալման և այդ հրաշալի օրը ժողովրդի կողմից չտոնվելու ուղղությամբ, այդ օրը չեն կարող տապալել», – հայտարարել է Նինո Ծիլոսանին։

Նա նաև նշել է, որ Գեդևան Փոփխաձեն հրապարակայնորեն ասել է, թե որն է ռադիկալների նպատակը։

«Գեդևան Փոփխաձեի անձի վերաբերյալ կարելի է տարբեր բնութագրեր տալ, սակայն նրա հայտարարությունը նոր կերպար է. ուժով կոշտացած և գոռոզացած մարդ է, որը հիմա փորձում է լինել զոհի դերում։ Միայն շնորհակալություն կարող ենք հայտնել, որ հրապարակայնորեն և բոլորին լսելի ասաց, թե որն է ռադիկալների նպատակը։ Նպատակը զոհի միջոցով անկարգություն հրահրելն է։ Հուսով եմ, սա հասարակության համար կանխարգելիչ հայտարարություն կլինի, և նրանք չեն արձագանքի որևէ սադրանքի», – նշել է Նինո Ծիլոսանին։