Վրաստանի Ժողովրդական պաշտպան Նինո Լոմջարիան գտնում է, որ այն պատգամավորները, որոնց նկատմամբ խորհրդարանը սկսել է պատգամավորական լիազորությունների դադարեցման ընթացակարգը, պետք է հարցը բողոքարկեն Սահմանադրական դատարանում։

«Տվյալ դեպքում ես խնդիր եմ տեսնում նրանում, որ պատգամավորներից մեկի լիազորությունների դադարեցումը հիմնված է դատարանի որոշման վրա, որը հիմնված է ավելի հին հոդվածով մեղադրական դատավճռի վրա։ Կարծում եմ՝ միանշանակ պետք է բողոքարկել Սահմանադրական դատարան։ Ինչպես գիտեք, պատգամավորները կարող են բողոքարկել իրենց լիազորությունները դադարեցնելու որոշումը, և ես կցանկանայի, որ Սահմանադրական դատարանը քննարկեր այդ հարցը, քանի որ իսկապես ամուր ժողովրդավարական ինստիտուտներ և խորհրդարան են անհրաժեշտ, այդ թվում՝ մարդու իրավունքների պաշտպանության համար։ Ուստի ես կցանկանայի, որ նման որոշումները լինեն շատ զգույշ ու արդարացված»,- ասել է Նինո Լոմջարիան։