Վրաստանի ժողովրդական պաշտպան Նինո Լոմջարիան արձագանքել է խորհրդարանական մեծամասնության անդամ Դիմիտրի Խունդաձեի՝ թեկնածու երկրի կարգավիճակի վերաբերյալ հայտարարությանը։

Ինչպես գրում է Լոմջարիան «Ֆեյսբուք» սոցիալական ցանցում, եվրոպական ընտրությունն արդեն որոշել է Վրաստանի բնակչության մեծամասնությունն ու Սահմանադրությունը։

«Ի՞նչ: Ի՞նչ եք համարձակվում: Վրաստանի բնակչության մեծամասնությունն ու Սահմանադրությունն արդեն որոշել են եվրոպական ընտրությունը։ Ո՞վ է ձեզ իրավունք տվել սա ասել այս երկրի անունից»,- գրել է Նինո Լոմջարիան։

Խորհրդարանական մեծամասնության անդամ Դիմիտրի Խունդաձեն թեկնածուի կարգավիճակի վերաբերյալ հայտարարություն է արել՝ ասելով. «Եթե Վրաստանը ստանա թեկնածուի կարգավիճակ՝ նույն անարդարացի պարտավորություններով, ինչ բանաձեւում ներկայացված անարդար մեղադրանքները, ապա դրա դիմաց երկիրը պետք է հրաժարվի կարգավիճակից»: