Ռուսթավիի քաղաքապետ Նինո Լացաբիձեի խոսքով՝ Ռուսթավիի քաղաքային խորհրդի ընդդիմադիր մեծամասնությունը խոչընդոտում է ռուսթավիցիների համար կենսականորեն կարևոր հարցերի քննարկմանը։ Նրա խոսքով, ընդդիմությունը խոչընդոտում է Ռուսթավիում շուրջ 60 մլն լարի ներդրումային գործընթաց։

Ինչպես ճեպազրույցում հայտարարել է Լացաբիձեն, ինքը դիմելու է Ռուսթավիի քաղաքային խորհրդի նախագահին, որը «Հանուն Վրաստանի» կուսակցության ներկայացուցիչն է, որպեսզի օգտագործի իր լիազորությունները և հրավիրի արտահերթ բյուրո։

Բացի այդ, Լացաբիձեն կոչ է արել ընդդիմությանը, որը Ռուսթավիի քաղաքային խորհրդի մեծամասնություն է կազմում, ճիշտ սահմանել իրենց առաջնահերթությունները և քաղաքի շահերը վեր դասել իրենց քաղաքական հավակնություններից։

«Առաջին անգամը չէ, որ Ռուսթավիի քաղաքային խորհրդի ընդդիմադիր մեծամասնությունը, որը ներկայացված է «Ազգային շարժում» և «Հանուն Վրաստանի» կուսակցություններով, խոչընդոտում է քաղաքի և Ռուսթավիի համար կենսական հարցերի քննարկմանը։ Այն պահին, երբ ընդդիմությունն անընդհատ նոր աշխատատեղերի, երկրի տնտեսության զարգացման ու բնակչության սոցիալական վիճակի բարելավման կոչեր է անում, նույն ընդդիմությունը խոչընդոտում է քաղաքում մոտ 60 մլն լարիի ներդրման գործընթացը։ Հարցը, որը նախատեսում է Ռուսթավիում բազմաբնակարան շենքերի կառուցում և մի քանի բիզնես նախագծերի իրականացում, Ռուսթավիի քաղաքային խորհրդի մեծամասնության կողմից մեկ ամսից ավելի կանգնեցվել է։ Այս նախագծերի ներդրումային արժեքը կազմում է 60 մլն լարի։ Բնակչությունը վաղուց գիտեր, որ «Միացյալ ազգային շարժման» միակ նպատակը սեփական քաղաքական հավակնությունները բավարարելն է:

Դիմում ենք Ռուսթավի քաղաքային խորհրդի նախագահին, ով «Հանուն Վրաստանի» կուսակցության ներկայացուցիչ է։ Նա՝ որպես սակրեբուլոյի նախագահ, ունի հայեցողական լիազորություն՝ համաձայն սակրեբուլոյի կանոնադրության հրավիրելու արտահերթ բյուրո: Կամ նա պետք է օգտագործի այս հեղինակությունը և կանգնի ռուսթավի բնակիչների կողքին, քաղաքի շահերը պաշտպանի կամ նրա պասիվ դիրքորոշումը կընկալվի որպես քաղաքի դավաճանություն, քանի որ Ռուսթավիին առանց 60 մլն լարի ներդրման թողնելը այլ կերպ չի կարելի անվանվել: »,- ասել է Նինո Լացաբիձեն։