Նինո Լացաբիձե Միանում եմ իմ սիրելի քաղաքի՝ Ռուսթավիի քաղաքապետի ընտրարշավին
Իմ թիմի հետ միասին ես որոշեցի ժամանակից շուտ թողնել խորհրդարանում իմ պաշտոնը և կանգնել նոր մարտահրավերների առջև, մեկ անգամ ևս դառնում եմ թեկնածու և այս անգամ, ներգրավվում եմ իմ սիրելի, հայրենի քաղաքի, Ռուսթավիի քաղաքապետի նախընտրական քարոզարշավին,- այս մասին ասում է «Վրացական երազանքի» Ռուսթավիի քաղաքապետի թեկնածու Նինո Լացաբիձեն՝ տարածված տեսաուղերձում, որտեղ խոսում է առաջիկա ծրագրերի և նորությունների մասին:
Նինո Լացաբիձեն շնորհակալություն է հայտնում ընտրողներին վստահության և աջակցության համար:
«Նախ ուզում եմ շնորհակալություն հայտնել ձեզ վստահության և յուրաքանչյուր աջակցող խոսքի համար, որը ես լսել եմ ձեզ հետ հանդիպմանը: Միասին անցանք դժվար, բայց բավականին արդյունավետ շրջան: Ընտրություններից առաջ իմ հնչեցրած մի քանի նախագիծ և նախաձեռնություն, չնայած խորհրդարանական գործունեության կարճ ժամանակահատվածին, արդեն իրականացվել է կամ գտնվում է աշխատանքի ընթացքի մեջ: Այնուամենայնիվ, ես ամբողջ պատասխանատվությամբ գիտակցում եմ, որ խնդիրները շատ ավելի մեծ են, և մենք պետք է դրանցով զբաղվենք ինչպես քաղաքական գործիչներս, այնպես էլ՝ յուրաքանչյուր մասնագիտության ներկայացուցիչ և այս երկրի քաղաքացի՝ համատեղ ջանքերով:
Իմ թիմի հետ միասին ես որոշում կայացրեցի ժամանակից շուտ լքել իմ պաշտոնը խորհրդարանում և կանգնել նոր մարտահրավերների առջև: Ես կրկին թեկնածու եմ դառնում և այս անգամ մասնակցում եմ իմ սիրելի քաղաքի՝ Ռուսթավիի քաղաքապետի ընտրարշավին:
Որպեսզի ձեզ հետ հանդիպումներում բարձրաձայնված խնդիրները լուծեմ. Որպեսզի Ռուսթավին դառնա էկոլոգիապես մաքուր, բարեկեցիկ, տնտեսական հնարավորությունների քաղաք, որտեղ համատեղ ջանքերով նոր աշխատատեղեր կստեղծենք: Մոտ ապագայում, ձեզ հետ հանդիպումների ժամանակ, մենք կխոսենք կոնկրետ ուղղությունների մասին, որտեղ մենք պետք է միասին ստեղծենք այն տեսլականը, թե ինչպիսին է լինելու ապագայի Ռուսթավին: Մեր քաղաքն ունի մեծ ռեսուրսներ և ներուժ, որոնք ճիշտ օգտագործելու դեպքում կկարողանքն արագ զարգանալ և առաջընթաց ունենալ: Բոլորիդ հրավիրում ենք միասին նոր հնարավորություններ ստեղծելու Ռուսթավիում», – ասել է Ռուսթավիի քաղաքապետի թեկնածու Նինո Լացաբիձեն: