Նիկոլոզ Սամխարաձեն նշում է, որ ոչ մի պաշտոնական հայտարարության մեջ չի խոսվում պատժամիջոցների մասին
Խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն չի սպասում, որ Վրաստանի նկատմամբ կսահմանվեն միջազգային պատժամիջոցներ:
Ինչպես լրագրողներին հայտնել է Սամխարաձեն, որևէ պաշտոնական հայտարարության մեջ – ոչ Եվրամիության և ոչ՝ Ամերիկայի Միացյալ Նահանգների, պատժամիջոցների մասին չի խոսվում:
«Եթե որևէ մեկը ակադեմիական օղակներում կամ քաղաքական կուսակցություններում խոսում է պատժամիջոցներին մասին, դա չի նշանակում, որ այն իրականություն է: Պատժամիջոցների չենք սպասում»,- հայտարարել է Սամխարաձեն: