Վրաստանի խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն հանդիպել է Վրաստանում Շվեդիայի Թագավորության արտակարգ և լիազոր դեսպան Աննա Լիբերգի հետ։
Հանդիպմանը քննարկվել են Վրաստանի և Շվեդիայի միջև առկա երկկողմ հարաբերությունները և խորհրդարանական մակարդակով համագործակցության ամրապնդման հնարավորությունները։
Նիկոլոզ Սամխարաձեն դեսպանին տեղեկացրել է Վրաստանի եվրոպական և եվրատլանտյան ինտեգրման, Եվրոպական հանձնաժողովի կողմից ներկայացված ինը քայլից բաղկացած իրականացման գործընթացի և ապագա ծրագրերի մասին։
Դեսպանի հետ հանդիպմանը քննարկվել են տարածաշրջանային անվտանգության հարցեր, Հարավային Կովկասում անվտանգության միջավայրը և Ռուսաստանի կողմից օկուպացված Աբխազիայում և Ցխինվալի տարածաշրջանում տիրող ծանր իրավիճակը։
Կողմերը խոսել են նաև ներքաղաքական խնդիրների, նախընտրական շրջանի և խորհրդարանի գարնանային նստաշրջանի օրակարգի մասին։
Տեղեկությունը տարածում է Վրաստանի խորհրդարանի մամուլի ծառայությունը։