Արտաքին հարաբերությունների հանձնաժողովի նախագահ Նիկոլոզ Սամխարաձեն հանդիպել է Ամերիկայի Միացյալ Նահանգների արտակարգ և լիազոր դեսպան Ռոբին Դունիգանի հետ։
Կողմերը խոսել են Վրաստանի և ԱՄՆ-ի միջև առկա հարաբերությունների, այդ թվում՝ խորհրդարանական համագործակցության զարգացման և խորացման հնարավորությունների մասին։
Հանդիպմանը քննարկվել են տարածաշրջանային անվտանգության հարցեր։ Նիկոլոզ Սամխարաձեն ընդգծել է Վրաստանի օկուպացված շրջաններում՝ Աբխազիայում և Ցխինվալիում ստեղծված ծանր իրավիճակը և Ռուսաստանից եկող սպառնալիքները։
Արտաքին հարաբերությունների հանձնաժողովի նախագահը դեսպանին տեղեկացրել է Վրաստանի համար Եվրահանձնաժողովի կողմից սահմանված 9 քայլերի իրականացման վերաբերյալ կառավարության ներկայացրած ծրագրի և ապագա քայլերի մասին։
Դեսպանի հետ հանդիպմանը քննարկվել է նաեւ ՆԱՏՕ-ին Վրաստանի ինտեգրման հարցը։ Նիկոլոզ Սամխարաձեն նշել է, որ ՆԱՏՕ-ին ինտեգրումը Վրաստանի արտաքին քաղաքականության կարեւորագույն առաջնահերթություններից է։
Կողմերը խոսել են Վրաստանի խորհրդարանի օրակարգի, ներքաղաքական իրավիճակի, ընթացիկ իրադարձությունների և 2024 թվականին նախատեսված խորհրդարանական ընտրությունների մասին։
Տեղեկությունը տարածում է Վրաստանի խորհրդարանի մամուլի ծառայությունը։