Նիկոլոզ Սամխարաձեն հանդիպել է Նորվեգիայի դեսպան Բերգլիոտ Հովլանդի հետ
Վրաստանի խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն հանդիպել է Վրաստանում Նորվեգիայի Թագավորության արտակարգ և լիազոր դեսպան Բերգլիոտ Հովլանդի հետ։
Հանդիպմանը քննարկվել են Վրաստանի և Նորվեգիայի միջև առկա խորհրդարանական հարաբերությունները և դրանց զարգացման հնարավորությունները, այդ թվում՝ 2024 թվականին Նորվեգիայի խորհրդարանական պատվիրակության Վրաստան այցի հնարավորությունը։
Նիկոլոզ Սամխարաձեն շնորհակալություն է հայտնել դեսպանին Նորվեգիայի կողմից Վրաստանին տարբեր ոլորտներում ցուցաբերած օգնության համար։
Կողմերը խոսել են Վրաստանի եվրաինտեգրման և կառավարության կողմից նախատեսվող ապագա քայլերի, ինչպես նաև ՆԱՏՕ-ին երկրի ինտեգրման և այդ ճանապարհին Նորվեգիայի ամուր աջակցության կարևորության մասին։
Դեսպանի հետ հանդիպմանը քննարկվել է Վրաստանի օկուպացված շրջաններում տիրող իրավիճակը և Ռուսաստանից եկող սպառնալիքները։ Ընդգծվել են տարածաշրջանային անվտանգության, Ուկրաինայում Ռուսաստանի ագրեսիայի, Հայաստանի և Ադրբեջանի միջև հակամարտության խաղաղ կարգավորման կարևորությունը, Մերձավոր Արևելքում տեղի ունեցող իրադարձություններն ու դրանց ազդեցությունը երկրի անվտանգության վրա։
Դեսպանը ևս մեկ անգամ հաստատել է Նորվեգիայի հաստատակամ աջակցությունը Վրաստանի արտաքին քաղաքականության առաջնահերթություններին։
Տեղեկությունը տարածում է Վրաստանի խորհրդարանի մամուլի ծառայությունը։