Նիկոլոզ Սամխարաձեն հանդիպել է Գերմանիայի Բունդեսթագի արտաքին հարաբերությունների հանձնաժողովի նախագահի հետ
Արտաքին հարաբերությունների հանձնաժողովի նախագահ Նիկոլոզ Սամխարաձեն հանդիպել է Գերմանիայի Բունդեսթագի արտաքին հարաբերությունների հանձնաժողովի նախագահ Միխայիլ Ռոթի հետ։
Խորհրդարանի մամուլի ծառայությունից հայտնում են, որ հանդիպման հիմնական թեմաներն են եղել Վրաստանի ինտեգրումը Եվրամիությանը, Եվրամիության 12 հանձնարարականների կատարումը և այդ ուղղությամբ իրականացվող բարեփոխումները։
«Տարեվերջին կողմերը խոսել են Վրաստանին թեկնածուի կարգավիճակ տրամադրելու կարեւորության մասին։ Ուշադրություն է դարձվել Վրաստանի առջեւ ծառացած անվտանգության մարտահրավերներին եւ այդ մարտահրավերների հաղթահարման հարցում ԵՄ աջակցության հնարավորություններին։
Հանդիպման ընթացքում քննարկվել է նաև երկրի ներքաղաքական իրավիճակը։ Ընդգծվել է իշխանություն-ընդդիմություն համագործակցության անհրաժեշտությունը, հատկապես, երբ օրակարգային են արտաքին քաղաքական հարցեր։
Կողմերը քննարկել են երկու երկրների միջև առկա համագործակցությունը և խորհրդարանական հարաբերությունների ամրապնդման հնարավորությունները։
Զրույցն անդրադարձել է նաև առևտրատնտեսական հարաբերությունների ամրապնդման հեռանկարներին»,- նշել են խորհրդարանի մամուլի ծառայությունից։