Նիկոլոզ Սամխարաձեն հանդիպել է Ավստրիայի դեսպանի հետ
Վրաստանի խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն հանդիպել է Ավստրիայի Հանրապետության արտակարգ և լիազոր դեսպան Ռոբերտ Գերշների հետ։
Խորհրդարանի մամուլի ծառայության հաղորդմամբ՝ կողմերը քննարկել են երկու երկրների միջև առկա հարաբերությունները և համագործակցության զարգացման հնարավորությունները։ Ընդգծվել է խորհրդարանական համագործակցության խորացման կարևորությունը։
«Զրույցի թեմաներից մեկը տարածաշրջանային անվտանգության հարցերն էին։ Հանդիպման ընթացքում քննարկվել են Ուկրաինայում ընթացող պատերազմը և Հարավային Կովկասում տիրող իրավիճակը։ Նրանք նաև քննարկել են տարածաշրջանում ընթացող գործընթացները։
Կողմերը կենտրոնացել են «Միջին միջանցք» նախագծի վրա և ընդգծել դրա ռազմավարական նշանակությունը», – հայտնել է խորհրդարանի մամուլի ծառայությունը։
Նրանց խոսքով՝ Նիկոլոզ Սամխարաձեն Ավստրիայի Հանրապետության դեսպանին տեղեկատվություն է տրամադրել Վրաստանի և Եվրամիության միջև հարաբերությունների և մարտահրավերների, ինչպես նաև օկուպացված շրջաններում տիրող իրավիճակի վերաբերյալ։