Խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն և կոմիտեի անդամ Դավիթ Մաթիկաշվիլին հանդիպել են Գերմանիայի էկոնոմիկայի և կլիմայի պաշտպանության դաշնային նախարարության պետքարտուղար Սվեն Գիգոլդի հետ։

Կողմերը խոսել են երկու երկրների միջև առկա հարաբերությունների և խորհրդարանական համագործակցության հետագա ամրապնդման մասին։

Հանդիպման ընթացքում քննարկվել են տարածաշրջանում առկա իրավիճակն ու անվտանգության մարտահրավերները, դրա ազդեցությունը Վրաստանի ռազմավարական նպատակների իրականացման վրա, ընդգծել սերտ համագործակցության և գործընկերության կարևորությունը։

Կողմերը քննարկել են Վրաստան-ԵՄ համագործակցության օրակարգի ընթացիկ հարցերը։ Խոսվել է Եվրամիությանը Վրաստանի ինտեգրման, 12 հանձնարարականների կատարման, երկրում իրականացվող բարեփոխումների, ձեռք բերված առաջընթացի և առկա մարտահրավերների մասին։ Ուշադրություն է դարձվել տարեվերջին Վրաստանին թեկնածուի կարգավիճակ տրամադրելու որոշման կարևորությանն ու ակնկալիքներին և այդ գործընթացում Գերմանիայի աջակցությանը։

Կողմերը խոսել են նաև Եվրամիության միասնական շուկայում Վրաստանի տնտեսական ինտեգրման և Միասնական եվրոպական վճարային տարածքին (SEPA) երկրի միանալու մասին։

Հատուկ ուշադրություն է դարձվել Սևծովյան սուզանավային մալուխի նախագծին, որը կնպաստի վերականգնվող էներգիայի ոլորտի զարգացմանը և Եվրամիության և Հարավային Կովկասի տարածաշրջանի միջև էներգիայի տարանցման հնարավորությունների ավելացմանը։

Տեղեկությունը տարածում է Վրաստանի խորհրդարանի մամուլի ծառայությունը։