Նիկոլոզ Սամխարաձեի նախագահությամբ տեղի է ունեցել ԵԱՀԿ Խորհրդարանական վեհաժողովի Ժողովրդավարության, մարդու իրավունքների և հումանիտար հարցերի կոմիտեի նիստը
Վրաստանի խորհրդարանի արտաքին հարաբերությունների կոմիտեի նախագահ, ԵԱՀԿ Խորհրդարանական վեհաժողովում Վրաստանի մշտական պատվիրակության ղեկավար Նիկոլոզ Սամխարաձեն պաշտոնական այցով գտնվում է Ավստրիայում։
Վիեննայում ԵԱՀԿ Խորհրդարանական վեհաժողովի ձմեռային նստաշրջանի շրջանակներում կայացել է Քաղաքական և անվտանգության հարցերի կոմիտեի նիստը, որի հիմնական թեման եղել է անվտանգության միջավայրը, Ռուսաստանի ագրեսիան Ուկրաինայում, ԵԱՀԿ դերը, գործառույթներն ու ներդրումը։
Այսօր տեղի է ունեցել ԵԱՀԿ Խորհրդարանական վեհաժողովի Ժողովրդավարության, մարդու իրավունքների և մարդասիրական հարցերի կոմիտեի նիստը, որը բացել է կոմիտեի նախագահ Նիկոլոզ Սամխարաձեն և քննարկել 2022 թվականի վեց ամիսների գործունեությունը։
Վրաստանի խորհրդարանի մամուլի ծառայության փոխանցմամբ՝ հանդիպմանը քննարկվել են հակամարտության ընթացքում ժողովրդավարության և մարդու իրավունքների ոտնահարման մարտահրավերները։ Իր ելույթի ժամանակ Նիկոլոզ Սամխարաձեն խոսել է Ուկրաինայում շարունակվող ռուսական ագրեսիայի մասին։
ԵԱՀԿ խորհրդարանական պատվիրակության կազմում է Եվրոպայի հետ ինտեգրման կոմիտեի նախագահ և Խորհրդարանական վեհաժողովում Վրաստանի մշտական պատվիրակության անդամ Մակա Բոճորիշվիլին։