Ես անձամբ շատ անհասկանալի եմ համարում ասել, որ մենք պետք է մեկ անգամ ևս ուղարկենք այս օրենքը Վենետիկի հանձնաժողով: Այնտեղ Վենետիկի հանձնաժողովի առաջարկած կետերը ճշգրտորեն կատարվել են, – ասաց խորհրդարանական մեծամասնության անդամ Նիկոլոզ Սամխարաձեն:

«Յուրաքանչյուրը կարող է վերցնել Վենետիկի հանձնաժողովի հանձնարարականները և համեմատել օրենքը դրույթների հետ` դրանք կատարված են, թե ոչ: Հնարավոր է՝ հաղորդակցության խնդիր կա: Նրանք գուցե ինչ-որ բան սխալ են հասկացել կամ չեն հասկացել: Ամեն դեպքում, շատ հեշտ է ստուգել՝ արդյո՞ք Վենետիկի հանձնաժողովի հանձնարարականները կատարվել են: Վրաստան տեղափոխված բոլոր տրանշները ենթակա կլինեն որոշակի պայմանների: Սա նորմալ պատմություն է ԵՄ-ի համար: Պայմաններից մեկն այն էր, որ մենք ստիպված լինեինք փոխել օրենքը՝ ի պատասխան Վենետիկի հանձնաժողովի հանձնարարականների, ապա կփոխանցվեր երկրորդ տրանշը: Մենք ընդունեցինք այս օրենքը՝ համաձայն Վենետիկի հանձնաժողովի հանձնարարականների: Նոր խորհրդարանը պետք է դա աներ: Այս հանձնարարականներն արդեն կատարվել են: Այդ պատճառով ես չեմ տեսնում, թե ինչն է խոչընդոտ հանդիսանալու այս տրանշի փոխանցմանը», – ասաց Սամխարաձեն:

ԵՄ արտաքին գործողությունների ծառայությունը ապրիլի 7-ին հայտարարություն է տարածել Վրաստանում Գերագույն դատարանի դատավորների ընտրության վերաբերյալ: