Վրաստանը թերևս միակ երկիրն է աշխարհում, որին հավասարապես վստահում է թե՛ Հայաստանը, թե՛ Ադրբեջանը,- ասել է Վրաստանի խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն։

Ինչպես նշել է Նիկոլոզ Սամխարաձեն, Թբիլիսին, բնականաբար, այն վայրն է, որտեղ կարելի է խաղաղ բանակցություններ վարել, և կարող է լինել բանակցությունները ավարտելու հաջող փորձ։

«Մենք չենք նվազեցնի մեր ջանքերը, որպեսզի այս պատմական իրադարձությունը տեղի ունենա Թբիլիսիում։ Վրաստանի վարչապետն արդեն ակտիվորեն ներգրավված է այս գործընթացում, և մենք տեսնում ենք, որ առաջին նշաններն արդեն տեսանելի են։ Որոշ ժամանակ առաջ Թբիլիսիում կայացել է արտգործնախարարների հանդիպումը։ Մենք մեծ ցանկություն ունենք, որ երկու բարեկամ և հարևան երկրները շատ շուտով հաշտվեն և խաղաղության համաձայնագիր ստորագրեն, քանի որ դա լավ կլինի կովկասյան տարածաշրջանի համար ընդհանուր առմամբ»,- ասել է Սամխարաձեն։