Խորհրդարանական արտաքին հարաբերությունների կոմիտեի նախագահ Նիկոլոզ Սամխարաձեի խոսքով, ինքը դրական ակնկալիքներ ունի ԵՄ թեկնածուի կարգավիճակի հետ կապված։

Նրա խոսքով, Վրաստանը շատ բան է արել եվրաինտեգրման ճանապարհին։ Նա նաև նշել է, որ թեկնածուի կարգավիճակ ստանալը լավ շարժառիթ կլինի երկրի համար՝ հետամուտ լինելու անհրաժեշտ բարեփոխումներին։

«Մենք դրական ակնկալիքներ ունենք, քանի որ Վրաստանն իսկապես շատ բան է արել եվրաինտեգրման ճանապարհին։ Ուստի մեզ համար, ի վերջո, որոշումը հիմնված կլինի հենց առաջընթացի գնահատման վրա։ Իհարկե, մենք չենք ասում, որ ամեն ինչ կատարել ենք։ Եթե ​​ամեն ինչ անեինք, ոչ թե թեկնածու երկրի կարգավիճակ կխնդրեինք, այլ ուղղակի անդամակցություն։ Մենք գիտենք, որ սա երկար, երկարատև գործընթաց է, բայց որպեսզի շարունակվեն նույն բարեփոխումները, որոնք անհրաժեշտ են երկրին, իհարկե, դա շատ լավ մոտիվացիա կլինի թեկնածուի կարգավիճակ ստանալու համար»,- ասել է Նիկոլոզ Սամխարաձեն։