Նիկոլոզ Սամխարաձե. Մենք խստորեն դատապարտում ենք Ուկրաինայի չորս շրջանների անօրինական բռնակցումը Ռուսաստանի կողմից
Մենք խստորեն դատապարտում ենք Ռուսաստանի կողմից Ուկրաինայի չորս շրջանների անօրինական բռնակցումը,- սոցցանցում գրում է Արտաքին հարաբերությունների հանձնաժողովի նախագահ Նիկոլոզ Սամխարաձեն։
«Այս որոշումը չունի միջազգային լեգիտիմություն եւ հակասում է միջազգային իրավունքի սկզբունքներին։ Ինքնիշխան ազգերի տարածքային ամբողջականությունն անձեռնմխելի է, և սահմանների ուժային փոփոխությունն անթույլատրելի է»,- գրել է Սամխարաձեն «Twitter»-ում։
Վլադիմիր Պուտինն ու անջատողական առաջնորդները «համաձայնագրեր» են ստորագրել Խերսոնի, Զապոռոժյեի, Դոնեցկի և Լուգանսկի օկուպացված տարածքները Ռուսաստանին միացնելու վերաբերյալ։ Ավելի վաղ ՌԴ նախագահը հրամանագիր է ստորագրել՝ ճանաչելով Ուկրաինայի Զապոռոժյեի և Խերսոնի շրջանների «անկախությունը»։