Նիկոլոզ Սամխարաձե. Մենք խստորեն դատապարտում ենք Աբխազիայի դե ֆակտո խորհրդարանի անօրինական գործողությունը, անվավեր ենք ճանաչում օկուպացիայի ընթացքում իրականացված բոլոր իրավական գործողությունները
Աբխազիայի դե ֆակտո խորհրդարանը ուշ գիշեր վավերացրել է Բիճվինթայի տարածքի փոխանցումը Ռուսաստանին։ Մենք խստորեն դատապարտում ենք այս անօրինական գործողությունը,- սոցցանցում գրում է խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն։
«Մենք անվավեր ենք ճանաչում օկուպացիայի ընթացքում կատարված բոլոր իրավական գործողությունները։ Դա կփոխվի այն բանից հետո, երբ Վրաստանը կվերականգնի իրավազորությունը Աբխազիայի նկատմամբ»,- գրում է Նիկոլոզ Սամխարաձեն։
Ռուսաստանի կողմից օկուպացված Աբխազիայի «խորհրդարանը» հավանություն է տվել Բիճվինթայի ամառանոցը Ռուսաստանին փոխանցելու համաձայնագրին։ Օկուպացված Աբխազիայի որոշմանն աջակցել են «խորհրդարանի» 25 անդամներ։ Օկուպացված Աբխազիայի «ընդդիմությունը» և բնակչության մի մասը բողոքում են այս որոշման դեմ և պահանջում այն չեղարկել։ Այս պահանջով, «խորհրդարանի» շենքի մոտ ողջ գիշեր բողոքի ակցիա է անցկացվել։