Խորհրդարանական արտաքին հարաբերությունների կոմիտեի նախագահ Նիկոլոզ Սամխարաձեի կարծիքով՝ անհասկանալի է Վրաստանից Ուկրաինայի դեսպանին հետ կանչելու որոշումը։

Նիկոլոզ Սամխարաձեի խոսքով, այս հարցում հարցեր կան:

«Ուկրաինայի դեսպանն ինքը հեռուստաալիքներից մեկի եթերում հայտարարություն է արել, որ այստեղ քաղաքական ոչինչ չկա, և գնում ալիս է Կիև, նման հայտարարություն եղել է։ Մեզ համար հարցականներ կան Ուկրաինա հետ կանչելու հետ կապված՝ Ուկրաինայի դեսպանին չեն կանչել Մինսկից՝ այն երկրից, որտեղից ռուսական զորքերը ներխուժել ու ռմբակոծել են Ուկրաինան։ Ես կասկած չունեմ, ունեմ հարցականներ, բայց դա չի նշանակում, որ մենք ինչ-որ կերպ կլքենք Ուկրաինան»,- ասել է Նիկոլոզ Սամխարաձեն։

Միաժամանակ Սամխարաձեն նշել է, որ Ուկրաինան պատերազմող երկիր է, և Վրաստանի աջակցությունը կշարունակվի ինչպես դիվանագիտական, այնպես էլ քաղաքական, մարդասիրական առումներով։

«Կիևում և Օդեսայում Վրաստանի դեսպանատները Ուկրաինայում գործող դեսպանատներից ընդամենը մի քանիսն են։ Սա մեր պատասխանն է, թե ինչ կապ ունենք Ուկրաինայի հետ»,- ասել է Նիկոլոզ Սամխարաձեն։

Ուկրաինայի նախագահ Վլադիմիր Զելենսկին երեկ հայտարարել է, որ Ուկրաինան հետ է կանչել իր դեսպանին Վրաստանից։

«Մենք անհապաղ հետ ենք կանչում դեսպանին Վրաստանից կամավորներին խանգարելու համար, ովքեր ցանկանում են մեզ օգնել, ինչպես նաև պատժամիջոցների հարցում նրանց անբարոյական դիրքորոշման համար»,- ասել է Ուկրաինայի նախագահը։

Ավելի ուշ Ուկրաինայի դեսպանատունը հայտարարեց, որ Վլադիմիր Զելենսկին խորհրդակցությունների է կանչել Վրաստանում Ուկրաինայի դեսպանին։