Նիկոլոզ Սամխարաձե. Հուսով եմ, որ մեր ընդդիմադիրները հիասթափված կլինեն դեկտեմբերի վերջին, երբ Վրաստանին կշնորհվի կարգավիճակ
Հուսով եմ, որ մեր ընդդիմադիրները հիասթափված կլինեն դեկտեմբերի վերջին, երբ Վրաստանին կշնորհվի կարգավիճակ,- ասել է Վրաստանի խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն։
Նրա խոսքով՝ պետք է սպասել դեկտեմբերին, երբ վերջնականապես կորոշվի հարցը։
«Նոյեմբերի 8-ին կլինի հանձնաժողովի եզրակացությունը, որը վերջնական չէ։ Հանձնաժողովի եզրակացությունից հետո որոշումը պետք է ընդունի Եվրոպական խորհուրդը, որի կազմված է 27 պետությունների վարչապետներից ու նախագահներից։ Ըստ այդմ, 27 պետություն պետք է համաձայնի Վրաստանին կարգավիճակ շնորհելուն։ Իհարկե, սպասում ենք թե՛ հաշվետվությանը, թե՛ երկրորդ որոշմանը։ Մենք հույս ունենք, բայց չենք ասում, որ ամեն ինչ 100 տոկոսով որոշված է։ Պետք է սպասել մինչև դեկտեմբեր։ Ես իսկապես հույս ունեմ, որ մեր ընդդիմադիրները հիասթափված կլինեն դեկտեմբերի վերջին, երբ Վրաստանին կշնորհվի կարգավիճակ»,- ասել է Նիկոլոզ Սամխարաձեն։