Նիկոլոզ Սամխարաձե – Այդքան էլ հավատալի չէ, որ Սաակաշվիլին իսկապես առողջական խնդիրներ ունի, երբ բժիշկների փոխարեն PR ընկերություն են վարձում,- այս մասին ասել է խորհրդարանի արտաքին հարաբերությունների կոմիտեի նախագահ Նիկոլոզ Սամխարաձեն։

«Ինձ համար զարմանալի է, որ մի մարդու համար, ով ասում են, որ առողջական շատ լուրջ խնդիր ունի, բժիշկների փոխարեն վարձում են PR ընկերություն, որը պետք է հարցը հասցնի համաշխարհային մամուլին։ Այս դեպքում պակաս համոզիչ է դառնում, որ նա իսկապես առողջական խնդիրներ ունի։ Ուստի ես չեմ կարծում, որ սա ճիշտ քայլ է՝ ելնելով սեփական ընտանիքի անդամների շահերից»,- ասել է Սամխարաձեն։

«Վրացական երազանք» խմբակցության նախագահ Մամուկա Մդինարաձեն նոյեմբերի 30-ին հայտարարել է, որ տեղեկություն է ստացել, ըստ որի Գիուլի Ալասանիան պայմանագիր է կնքում լոբբիստ, PR-խորհրդատվական «Global Point» ընկերության հետ, որը պատասխանատվություն է կրում PR-ի իրականացման համար։ Գիուլի Ալասանիան հաստատել է «Global Point»-ի հետ համագործակցությունը և ասել, որ PR ընկերության միջոցով գործընկերներին պետք է ճիշտ տեղեկատվություն տրամադրել Սաակաշվիլիի մասին։