Նիկոլ Փաշինյանը շնորհավորել է Մասուդ Փեզեշյանին Իրանի նախագահի պաշտոնում ընտրվելու կապակցությամբ
Հայաստանի վարչապետ Նիկոլ Փաշինյանը շնորհավորել է Մասուդ Պեզեշյանին Իրանի նախագահի պաշտոնում ընտրվելու կապակցությամբ։
Այս մասին տեղեկություն է տարածում ՀՀ կառավարության մամուլի ծառայությունը։
«Հայաստանի և եղբայրական Իրանի միջև ջերմ հարաբերությունների շարունակական խորացումը առանձնահատուկ նշանակություն ունի ինչպես երկկողմ համագործակցության, այնպես էլ տարածաշրջանային կայունության ու բարգավաճման համատեքստում»,- ասված է հաղորդագրությունում։
Բացի այդ, ինչպես գրում է ՀՀ կառավարության մամուլի ծառայությունը, կառավարությունների համատեղ ջանքերով կսկսվի մի շարք նոր նախագծերի իրականացումը։
Իրանում հուլիսի 5-ին կայացած արտահերթ նախագահական ընտրությունների երկրորդ փուլի արդյունքում հաղթել է Մասուդ Փեզեշյանը։
Իրանում վաղաժամկետ ընտրություններ են կայացել երկրի նախկին նախագահ Էբրահիմ Ռաիսիի ավիավթարի հետեւանքով զոհվելու պատճառով։