Նիկոլ Փաշինյանը շնորհավորել է Իրակլի Կոբախիձեին Վրաստանի Անկախության օրվա կապակցությամբ - «Վրաստանի հետ եղբայրական հարաբերությունների ամրապնդումը մեր կառավարության արտաքին քաղաքականության հիմնական նպատակներից մեկն է»
Հայաստանի Հանրապետության վարչապետ Նիկոլ Փաշինյանը շնորհավորել է վարչապետ Իրակլի Կոբախիձեին Վրաստանի Անկախության օրվա կապակցությամբ։
Ինչպես նշվում է շնորհավորական ուղերձում, Վրաստանի հետ եղբայրական հարաբերությունների հետագա ամրապնդումը Հայաստանի կառավարության արտաքին քաղաքականության հիմնական նպատակներից մեկն է։
«Հայաստանի Հանրապետության կառավարության և անձամբ իմ անունից անկեղծորեն շնորհավորում եմ Ձեզ Վրաստանի ազգային տոնի՝ Պետական անկախության վերականգնման օրվա կապակցությամբ։ Վրաստանի հետ եղբայրական հարաբերությունների հետագա ամրապնդումը մեր կառավարության արտաքին քաղաքականության հիմնական նպատակներից մեկն է, որն արդեն իսկ ունի գործնական և ինստիտուցիոնալացված ռազմավարական գործընկերության բնույթ։ Առանձնահատուկ գոհունակությամբ եմ նշում Ձեր գլխավորությամբ վրացական պատվիրակության մասնակցությունը Երևանում կայացած Եվրոպական քաղաքական միության 8-րդ գագաթնաժողովին։ Մենք նաև բարձր ենք գնահատում Վրաստանի կառավարության և անձամբ Ձեր ջանքերը տարածաշրջանային համագործակցության ուղղությամբ։ Եվս մեկ անգամ շնորհավորում եմ Ձեզ Անկախության օրվա կապակցությամբ և մաղթում եմ Ձեզ բեղմնավոր գործունեություն, իսկ Ձեր երկրին՝ խաղաղություն և բարգավաճում», – ասվում է Նիկոլ Փաշինյանի շնորհավորական նամակում։
