Հայաստանի Հանրապետության վարչապետ Նիկոլ Փաշինյանը շնորհավորել է Վրաստանի վարչապետ Իրակլի Ղարիբաշվիլիին երկրի Անկախության օրվա առթիվ։

Միևնույն ժամանակ Նիկոլ Փաշինյանը վրաց ժողովրդին մաղթել է բարգավաճում և խաղաղություն։

«Ձեր գերազանցություն. Շնորհավորում ենք Վրաստանի ազգային տոնի՝ պետական ​​անկախության վերականգնման օրվա առթիվ:

Հարևան և բարեկամ Վրաստանի անկախ պետականության անպարտելի ուղին կարևոր է հայ և վրացի ժողովուրդների ինքնության և հոգևոր արժեքների պահպանման, պատմության դժվարին ժամանակաշրջաններում միմյանց աջակցելու, բարեկամության ոգուն ու էությանը հավատարիմ մնալու տեսանկյունից։

Վստահ եմ, որ երկու երկրների հարաբերությունների հիմքում ընկած բազմաբնույթ համագործակցության արդյունավետ փորձը, անհրաժեշտ ջանքերով, կշարունակվի փոխշահավետ ձեռքբերումներով՝ ի շահ երկու երկրների ժողովուրդների և առկա տարածաշրջանային մարտահրավերների հաղթահարման։

Մաղթում եմ Ձեզ առողջություն և բեղմնավոր աշխատանք, իսկ Վրաստանի եղբայրական ժողովրդին՝ բարօրություն և հարատև խաղաղություն»,- ասված է Նիկոլ Փաշինյանի շնորհավորական ուղերձում, որը հրապարակվել է ՀՀ վարչապետի պաշտոնական կայքում։