Հայաստանի վարչապետ Նիկոլ Փաշինյանը Ադրբեջանին առաջարկել է ստորագրել «սպառազինությունների վերահսկողության» մասին համաձայնագիր։

Այս մասին Հայաստանի Հանրապետության վարչապետն ասել է իշխող կուսակցության նախաձեռնող խմբի նիստում ունեցած ելույթի ժամանակ։

Փաշինյանի խոսքով, Հայաստանի կառավարությունն Ադրբեջանին առաջարկում է երկու երկրների սահմանային գոտուց զորամասերի միաժամանակյա և հավասարաչափ դուրսբերում և սահմանամերձ շրջանների ապառազմականացում, սակայն, ըստ նրա, Բաքուն հրաժարվում է դրանից։

«Ես կարող եմ եւս մեկ առաջարկ անել: Եկեք պայմանագիր ստորագրենք սպառազինությունների վերահսկման վերաբերյալ, որպեսզի Հայաստանն ու Ադրբեջանը կարողանան սպառազինությունների վերաբերյալ կոնկրետ պայմանավորվածություններ ձեռք բերել և հնարավորություն ունենան վերահսկելու դրանց կատարումը»,- ասել է Փաշինյանը։