Հայաստանի վարչապետ Նիկոլ Փաշինյանի խոսքով՝ որոշակի ուժեր փորձում են Հայաստանը ներքաշել պատերազմի մեջ: Նրա խոսքով, իրենք թույլ չեն տա ոչ ներքին, ոչ արտաքին ուժերին հարվածի տակ դնել Հայաստանի պետականությունը:

Այս մասին Նիկոլ Փաշինյանը հայտարարեց՝ ի պատասխան Լեռնային Ղարաբաղի շրջանում Ադրբեջանի կողմից ձեռնարկված «հակաահաբեկչական գործողության»։

«Ադրբեջանի զինված ուժերը սկսել են ռմբակոծել Լեռնային Ղարաբաղը։ Գործնականում ողջ տարածքում, ինչպես նաև որոշ ժամանակ առաջ նրանք գործողություն են սկսել՝ ԼՂ շփման գիծը ճեղքելու և, դիրքերը, որոշ տվյալներով, ԼՂ-ի բնակավայրերը գրավելու համար։

Ադրբեջանը ցամաքային գործողություն է սկսել Լեռնային Ղարաբաղի հայերի էթնիկական զտումների համար, Հայաստանը ոչ մեկին մանդատ չի տվել Լեռնային Ղարաբաղում էթնիկ զտումներ իրականացնելու համար։ Որոշ ուժեր՝ թե՛ ներքին, թե՛ արտաքին, փորձում են Հայաստանին ներքաշել պատերազմի մեջ։ Եվս մեկ անգամ հաստատում եմ, որ Հայաստանի զինված ուժերը Լեռնային Ղարաբաղում չեն: Չի հաջողվի, ինչքան էլ դժվար լինի, մասնավորապես էմոցիոնալ տեսանկյունից, պետք չէ հնարավորություն տալ որոշակի ուժերի՝ ոչ ներքին, ոչ արտաքին, հարվածի տակ դնել Հայաստանի պետականությունը»,- ասաց Նիկոլ Փաշինյանը։

Ադրբեջանի պաշտպանության նախարարությունն այսօր հայտարարել է Ղարաբաղում «հակաահաբեկչական միջոցառումների» մեկնարկի մասին։ Ադրբեջանի ՊՆ հայտարարության համաձայն՝ «Հայաստանի զինված ուժերի կազմավորումների կողմից ղարաբաղյան շրջանում ադրբեջանական բանակի դիրքերի համակարգված ռմբակոծումը, տարածքների շարունակական ականապատումը, ինժեներական աշխատանքների կատարումը, մարտական ​​դիրքերի բարելավման համար, ինչպես նաև խրամատների ավելացումը վերջին ամիսներին էլ ավելի մեծ լարվածության պատճառ են դարձել»։

Բացի այդ, Հայաստանի պաշտպանության նախարարությունը հայտնել է, որ Հայաստանի Հանրապետությունը Լեռնային Ղարաբաղում տեղակայված բանակ չունի։