Նիկոլ Փաշինյան. Ռուսաստանի վարչապետի հետ հանդիպման ժամանակ ձեռք են բերվել մի քանի համաձայնություններ, որոնց մանրամասները այս փուլում չեմ ցանկանում հրապարակել, սպասենք դրանց իրագործմանը
Ռուսաստանի վարչապետի հետ հանդիպման ժամանակ ձեռք են բերվել մի քանի համաձայնություններ․ այս մասին հայտարարել է Հայաստանի վարչապետ Նիկոլ Փաշինյանը։
Հայաստանի կառավարության ղեկավարի խոսքով՝ ինքը Ռուսաստանի Դաշնության կառավարության ղեկավարի հետ ունեցել է բաց, անկեղծ և բարեկամական զրույց։
«Ձեռք են բերվել մի քանի համաձայնություններ, որոնց մանրամասները այս փուլում չեմ ցանկանում հրապարակել։ Սպասենք դրանց իրագործմանը, և արդյունքները դուք ինքներդ կտեսնեք»,- հայտարարել է Փաշինյանը։
Նիկոլ Փաշինյանը և Միխայիլ Միշուստինը հանդիպել են հուլիսի 6-ին Եկատերինբուրգում՝ «Իննոպրոմ» միջազգային արդյունաբերական ցուցահանդեսի շրջանակներում։