Փաստ է, որ ռուս խաղաղապահները չկարողացան կամ չցանկացան ապահովել Լեռնային Ղարաբաղի հայերի անվտանգությունը, «Wall Street Journal»-ին տված հարցազրույցում ասել է Հայաստանի վարչապետ Նիկոլ Փաշինյանը։

Փաշինյանն անդրադարձավ նաև ղարաբաղցի հայերի հետագա ճակատագրին և նշեց, որ եթե նրանք Լեռնային Ղարաբաղ վերադառնալու հնարավորություն կամ ցանկություն չունենան, Հայաստանի կառավարությունն ամեն ինչ կանի, որպեսզի նրանք մնան Հայաստանում։

Հայաստանի վարչապետի խոսքով՝ Հայաստանը կարող է խաղաղ լինել, եթե տարածաշրջանը խաղաղ լինի:

«Չի կարող լինել իրավիճակ, որ տարածաշրջանը խաղաղ չլինի, բայց Հայաստանը խաղաղ լինի։ Ուստի մենք չենք հակադրվում և չենք տարանջատում խաղաղության մասին մեր պատկերացումները տարածաշրջանային խաղաղության շահերից»,- ասաց Նիկոլ Փաշինյանը։