Հայաստանն առաջարկել է չհարձակման պայմանագիր կնքել Ադրբեջանի հետ, եթե պարզվի, որ խաղաղության պայմանագրի ստորագրումը սպասվածից ավելի երկար կտևի։

Ըստ Հայաստանի կառավարության ղեկավարի, Երեւանի նախաձեռնությունը նաեւ Ադրբեջանի հետ սահմանի ապառազմականացումն է, զենքի վերահսկման երկկողմ մեխանիզմի ստեղծումը։

Նիկոլ Փաշինյանի խոսքով՝ Հայաստանը պետք է վերանայի իր ռազմավարական անվտանգության տեսակետները։

«Անհրաժեշտ է ուղղակիորեն, բարձրաձայն խոստովանել, որ դաժան կատակով խաղացվել են մեր մեջ հաստատված պատկերացումները անվտանգության համակարգերի և դրանց գործունեության բանաձեւերի մասին, և Հայաստանի Հանրապետությունն այլ ելք չունի, քան դիվերսիֆիկացնել հարաբերությունները անվտանգության ոլորտում, մենք գնալու ենք այս ճանապարհով։ Մենք նոր և ժամանակակից սպառազինությունների և տեխնիկայի ձեռքբերման գործընթացում ենք։ Վերջին տարիներին կառավարությունը մի քանի միլիարդ դոլարի պայմանագրեր է կնքել զենք-զինամթերք գնելու համար։ Բանակի բարեփոխումը, հզոր և մարտունակ բանակ ունենալը յուրաքանչյուր երկրի ինքնիշխան իրավունքն է, և մենք շարունակելու ենք այս ճանապարհը»,- ասաց Նիկոլ Փաշինյանը։

Հայաստանի վարչապետը նաեւ նշել է, որ Երեւանը այլ տարածքների նկատմամբ որեւէ պահանջ չունի եւ չի ունենալու, եւ դա պետք է ռազմավարական հիմք դառնա երկրի արտաքին անվտանգության ապահովման համար։