Հայաստանը չի մասնակցել Ղարաբաղում հրադադարի մասին քննարկմանը,- ասել է ՀՀ վարչապետ Նիկոլ Փաշինյանը։

Ըստ ՀՀ կառավարության ղեկավարի, Ադրբեջանի և չճանաչված Լեռնային Ղարաբաղի միջև հրադադարի և պայմանավորվածությունների մասին Հայաստանի իշխանությունները տեղեկացել են պաշտոնական տեղեկատվական աղբյուրներից։

Ըստ Փաշինյանի՝ Երեւանի համար անհասկանալի է Հայաստանի զինված ուժերի վերաբերյալ պայմանագրի տեքստը, քանի որ 2021 թվականի օգոստոսից ի վեր Հայաստանի Հանրապետությունը զորքեր չունի Լեռնային Ղարաբաղում։

Հայաստանի վարչապետի խոսքով՝ հայկական ի գիտություն ընդունում է չճանաչված Ղարաբաղի վարչակազմի հայտարարությունը հրադադարի մասին։

«Ինչ վերաբերու է Ղարաբաղի հայերի անվտանգության հարցին, եթե խաղաղապահները նման առաջարկություն են արել, դա ինքնին նշանակում է, որ նրանք ամբողջությամբ եւ այլեւս առանց վերապահումների ընդունել են ԼՂ-ի հայության անվտանգության ապահովման ամբողջական պարտավորությունը՝ ինչով պետք է լիարժեք պայմաններ ապահովեն, որպեսզի ԼՂ հայերի իրավունքը պահպանեն իրենց տներում, իրենց հողի վրա ապրելու, եւ ապրելու արժանապատիվ ու անվտանգ: Իմ ընկալումն այն է, որ սրանով նաեւ այդ պատասխանատվությունն է ամբողջապես ստանձնում, չնայած մենք միշտ էլ այդ կարծիքին էինք, որ այդ պատասխանատվությունը 2020-ի նոյեմբերի 9-ի եռակողմ հայտարարությամբ դրված է ռուսական խաղաղապահ առաքելության վրա: Բայց մենք հույս ունենք, որ նման քայլ անելով, ՌԴ խաղաղապահ զորախումբը ամբողջությամբ կկատարի իր պարտականությունները, ինչի հետ կապված ունեցել ենք որոշակի վերապահումներ»,- ասաց Նիկոլ Փաշինյանը։

Հիշեցնենք, որ Ադրբեջանը հայտարարեց Ղարաբաղում գործողությունը դադարեցնելու մասին։ Չճանաչված Լեռնային Ղարաբաղի վարչակազմում ասել են, որ համաձայն են կրակը դադարեցնելու ռուս խաղաղապահների առաջարկին։