Անկախության համար Հայաստանը պետք է զերծ լինի հակամարտություններից,- Ազգային Անկախության տոնի կապակցությամբ իր ուղերձում ասաց ՀՀ վարչապետ Նիկոլ Փաշինյանը։

Փաշինյանն ուղղակիորեն չի անդրադարձել Լեռնային Ղարաբաղին՝ Ադրբեջանի կազմում գտնվող էթնիկապես հայկական շրջանին, որը Բաքվի ուժերը վերահսկողության տակ են վերցրել երեք տասնամյակ անջատողական իշխանությունից հետո:

Տարածաշրջանի զարգացումները հանգեցրին Հայաստանում Փաշինյանի հրաժարականի կոչերի։

«Շատերը կարծում են, որ տարածաշրջանային այս լարված միջավայրում, ժամանակ առ ժամանակ բռնկվող ռազմական բախումների պայմաններում խաղաղության մասին խոսելը համարժեք չէ: Բայց առավել ևս այս պայմաններում խաղաղությունը պետք է արժևորվի, և խաղաղությունն ամենևին չպետք է շփոթենք զինադադարի կամ հրադադարի հետ: Խաղաղությունը մի միջավայր է, որը զերծ է հակամարտություններից, միջպետական, ազգամիջյան կոնֆլիկտներից: Այս ճանապարհը հեշտ չէ, այն անցնում է արտաքին և ներքին ցնցումների միջով, և մենք պետք է անցնենք այդ ճանապարհը հանուն անկախության, հանուն պետականության, հանուն ապագայի»,- ասաց Նիկոլ Փաշինյանը։