Հայաստանի վարչապետ Նիկոլ Փաշինյանը հայտարարում է, որ Աբխազիայի, «Հարավային Օսեթիայի» և Լեռնային Ղարաբաղի հակամարտությունները տարբեր են: Այս հայտարարությունը Նիկոլ Փաշինյանն արել է հայ դիվանագետների հետ հանդիպմանը:

Վարչապետի խոսքով, միջազգային հանրությունը նույնականացնում է «Հարավային Օսեթիայի», Աբխազիայի, Մերձդնեստրի և Ղարաբաղի հակամարտությունները, որը Փաշինյանը համարում է խնդիր:

«Պարտադիր է, առանց ջանք խնայելու ցույց տալ այս հարցերի միջև ահռելի տարբերությունը: Մենք հստակ գրանցում ենք, որ օրինակ, «Հարավային Օսեթիայի» եւ Աբխազիայի բնակիչները այսօր էլ կարող են գնալ Վրաստանի մայրաքաղաք՝ Թբիլիսի, տեղի շուկաներում վաճառել գյուղատնտեսական մթերք, գնել անհրաժեշտ ապրանք և այնուհետև վերադառնալ «Հարավային Օսեթիա» եւ Աբխազիա, իսկ Ռուսաստանի քաղաքացուն Բաքվի օդանավակայանից վտարում են միայն հայկական արմատներ ունենալու պատճառով: Սա ավելի մեծ պատկերացում է տալիս ղարաբաղյան հարցի մասին, քան բազմաժամյա դասախոսությունները»,- հայտարարել է Նիկոլ Փաշինյանը: