«Ազգային շարժման» Թբիլիսիի քաղաքապետի թեկնածու Նիկա Մելիան աջակիցներին կոչ է արել այսօր գալ Ռուսթավելի պողոտա։ Այս մասին Մելիան հայտարարել է ճեպազրույցի ժամանակ։ Նրա խոսքով, երեկ պայքարը չի ավարտվել, այլ սկսվել է։

Ինչպես նշել է Նիկա Մելիան, իրեն հարգող Վրաստանի ոչ մի քաղաքացի չի պատրաստվում դիմանալ այս ամենին։

«Երեկվա ամենածանր օրվանից հետո ընտրությունները տոտալ կեղծվեցին։ Երբ ասում եմ, որ դա տոտալ կեղծվել է, նկատի ունեմ, որ ընտրություններն ամբողջությամբ պատճենվել են, թվերը, տոկոսները փոխվել են մանիպուլյացիաների միջոցով։ Դա ամբողջովին կեղծված ընտրություններ չէին, դա ընտրություններ էին տոտալ բռնության ֆոնի վրա, որտեղ նրանց արածներից մեկը տոտալ կեղծիքներն էին։

Ուզում եմ շատ շնորհակալություն հայտնել երեկվա նվիրումի և աջակցության համար, երեկ պայքարը չի ավարտվել, երեկ պայքարը սկսվել է և, բնականաբար, մենք չենք պատրաստվում զիջել, Վրաստանի իրեն հարգող ոչ մի քաղաքացի, չի հանդուրժի այս ամենին և մտադիր ենք պայքարել։ Շատ ամուր, անսասան խաղաղ։ Կոնկրետ պլանի մասին տեղեկացնելու համար այսօր երեկոյան ժամը 19:00-ին Ռուսթավելի պողոտայում՝ խորհրդարանի դիմաց, սպասում ենք՝ միմյանց հետ կոնկրետ ծրագրի շուրջ զրուցելու։ Թող ոչ ոք պատրանք չունենա, որ կեղծված, բռնի, հոգեպես չարաշահող ընտրությունները կընտրեն որևէ իշխանություն։ Ուստի թբիլիսցիներ սպասում եմ ձեզ»,- ասել է Նիկա Մելիան։