«Միացյալ ազգային շարժման» նախագահ Նիկա Մելիայի խոսքով՝ այսօր տեղի է ունեցել «Միացյալ ազգային շարժման» քաղխորհրդի նիստ, որում որոշվել է, որ կուսակցության կենտրոնական խնդիրը Միխեիլ Սաակաշվիլիի կյանքը փրկելն է։

Նիկա Մելիայի խոսքով՝ Սահակաշվիլիի առողջական վիճակը օրեցօր վատանում է, և նա նշել է, որ խորհրդի անդամները՝ օտարերկրյա բժիշկները, միաձայն հայտարարում են, որ նրա բուժումը Վրաստանում անհնար է։

«Ինչպես գիտեք, ժողովրդական պաշտպանի ստեղծած խորհուրդը, «Էմպաթիա» կենտրոնը, արտասահմանցի բժիշկները, Միխեիլ Սաակաշվիլիի անձնական բժիշկը միաձայն նշում են, որ Միխեիլ Սաակաշվիլիի առողջական ծանր վիճակը, որը գնալով վատանում է, Վրաստանում չի կարող բուժվել։ Ուստի Միխեիլ Սաակաշվիլիի կյանքը փրկելու միակ ճանապարհը Միխեիլ Սաակաշվիլիին արտասահմանյան կլինիկա տեղափոխելն է՝ համապատասխան բուժման համար։ Շատ ցավալի է, որ մենք քաղաքական պայքար ենք մղում այս հումանիտար հարցի շուրջ»,- ասել է Մելիան։

Նրա խոսքով, կուսակցության ողջ գործունեությունը կապված է լինելու Միխեիլ Սաակաշվիլիի կյանքը փրկելու հետ։

«Մենք պայքարել ենք և կշարունակենք պայքարել այնքան ժամանակ, քանի դեռ նրա կյանքն ու առողջությունն ապահովված չէ, ինչը, կարծում եմ, մեր կուսակցության յուրաքանչյուր անդամի, ընտրողների և համախոհների հիմնական խնդիրն է»,- ասաց Նիկա Մելիան։

Նրա խոսքով՝ մարտի 5-ից տարբեր քաղաքներում բողոքի ցույցեր են անցկացվելու։

«Տարբեր քաղաքներում տարբեր ձևերի և բովանդակության բողոքի ակցիաներ են անցկացվելու։ Մարտի 5-ին, ժամը 17:00-ին Ռուսթավելի պողոտայում մենք սպասում ենք երկրի բնակչության այն հատվածին, ով համարում է, որ այս պատմական անարդարությանը պետք է վերջ դրվի»,- ասաց Նիկա Մելիան։