Բոլոր ընդդիմադիր կուսակցությունների ղեկավարները միաձայն հայտարարում են, որ երկրում կա քաղաքական արդարադատություն, – լրագրողներին ասաց «Միացյալ ազգային շարժում» կուսակցության նախագահ Նիկա Մելիան՝ պատասխանելով երեկ Մամուկա Խազարաձեի հայտարարության մասին հարցին:

Մամուկա Խազարաձեն երեկ ասել է, որ «գայլը կգա» գոռալով երկիրը չի կարողանա առաջ գնալ, այս գայլն այսօր այլեւս չկա, նրա պարագլուխները, նախագահից սկսած բոլորը, բոլոր նրանք, ովքեր հանցագործություն են կատարել, բանտում են։

Նիկա Մելիան նշել է, որ երկրում քաղբանտարկյալներ կան, եւ քաղաքական հետապնդումներ են տեղի ունենում:

«Դուք հիմա ինտրիգ եք փնտրում: Ընդդիմադիր բոլոր կուսակցությունների առաջնորդները միաբերան հայտարարում են, որ երկրում գոյություն ունի քաղաքական արդարադատություն, երկրում կան քաղբանտարկյալներ և երկրում իրականացվում է քաղաքական հետապնդում: Ես չգիտեմ որևէ ընդդիմադիր կուսակցության ղեկավարի, որն այլ դիրքորոշում ունենա»,- ասաց Նիկա Մելիան։