Գրանցման ժամկետն ավարտվել է։ Գրանցվել է 49 756 ընտրող։ Ինչո՞վ է պայմանավորված հասարակության նման բուռն հետաքրքրությունն ու ակտիվությունը։ Ընտրողները և համակիրները հստակ տեսան այն վտանգը, որ եթե քայլեր չձեռնարկեն, այս կուսակցությունը կկառավարվի ճիշտ նույն ոճով, ինչպես այս երկիրը՝ ոչ ֆորմալ տիրակալի կողմից,- այս մասին սոցիալական ցանցում գրում է «Ազգային շարժման» նախագահ Նիկա Մելիան։

Մելիայի խոսքով, «մարդիկ ցանկանում են պաշտպանել և փրկել կուսակցությունը ոչ պաշտոնական ազդեցություններից»։

«Մարդիկ ուզում են, որ կուսակցության վրա ազդեն մարդիկ, ոչ թե փողը: Մարդիկ ցանկանում են, որ կուսակցությունը ղեկավարեն իրենց ընտրյալները, այլ ոչ թե ոմանք կուլիսներից: Մարդիկ ցանկանում են, որ գործընթացները ղեկավարեն առաջնորդները, ոչ թե գորշ կարդինալների ներկայացուցիչները։ Գաղտնի քվեարկությունը կսկսվի հունվարի 28-ին եւ կավարտվի հունվարի 30-ին ժամը 10:00-ին։

Այս ընտրությունները արժեքային ընտրություններ են: Այս ընտրությունները կարող են ավարտվել երկու ելքով: Կամ կուսակցությունը զգալիորեն կուժեղանա՝ կավելանան և՛ համակիրների թիվը, և՛ նրա նկատմամբ վստահությունը, կա՛մ վերջնականապես կկորցնի այս շանսը և կանցնի շունչը փչելու ռեժիմի։ Քվեարկությունը գաղտնի է լինելու: Ոչ ոք չի իմանա, թե ով ում օգտին է քվեարկել, և հուսանք, որ պարտվողը կընդունի ընտրությունների արդյունքները և կշնորհավորի հաղթողին։ Մենք վստահաբար հաղթելու ենք պատվով և ճշմարտությամբ»,- գրել է Մելիան։